Google Classroom

Classroom ले विद्यार्थी र शिक्षकहरूलाई विद्यालयभित्र र बाहिर पनि एक अर्कासँग जोडिन सहज बनाउँछ। Classroom ले समयको बचत गर्छ, कागजको प्रयोग घटाउँछ र साथसाथै कक्षा बनाउन, असाइनमेन्ट दिन, सञ्चार गर्न र व्यवस्थित रहन सहज बनाउँछ।

Classroom प्रयोग गर्नुका धेरै फाइदा छन्:
• सेटअप गर्न सजिलो – शिक्षकहरू विद्यार्थीलाई कक्षामा सीधै सामेल गराउन वा आफ्नो कक्षाका विद्यार्थीसँग कक्षामा सामेल हुने कोड सेयर गर्न सक्छन्। Classroom सेटअप गर्न केही मिनेट मात्र लाग्छ।
• समयको बचत – शिक्षकहरू सरल एवं कागजरहित असाइनमेन्ट वर्कफ्लोका सहायताले एकै ठाउँबाट तुरुन्तै असाइनमेन्टहरू बनाउन, तिनको समीक्षा गर्न र ग्रेड दिन सक्छन्।
• व्यवस्थापनमा सुधार – विद्यार्थीहरू असाइनमेन्ट पेजमा आफ्ना सबै असाइनमेन्टहरू हेर्न सक्छन् र कक्षाका सबै सामग्री (जस्तै, डकुमेन्ट, फोटो र भिडियोहरू) Google Drive मा स्वतः फोल्डरहरूमा मिलाएर राखिन्छन्।
• सञ्चारमा सुधार – Classroom ले शिक्षकहरूलाई तुरुन्तै सूचना पठाउने तथा कक्षाको छलफल सुरु गर्ने सुविधा प्रदान गर्छ। विद्यार्थीहरू एक अर्कासँग स्रोत साधनहरू सेयर गर्न वा स्ट्रिममा सोधिएका प्रश्नहरूको जवाफ दिन सक्छन्।
• सुरक्षित – Google Workspace for Education का अन्य सेवाहरूमा जस्तै Classroom मा पनि विज्ञापन देखाइँदैन र तपाईंको सामग्री वा विद्यार्थीको जानकारी विज्ञापन देखाउने प्रयोजनका लागि प्रयोग गरिँदैन।


अनुमतिसम्बन्धी सूचना:
क्यामेरा: प्रयोगकर्तालाई फोटो वा भिडियोहरू खिच्ने र तिनलाई Classroom मा पोस्ट गर्ने सुविधा प्रदान गर्न क्यामेरा प्रयोग गर्ने अनुमति चाहिन्छ।\भण्डारण: प्रयोगकर्तालाई Classroom मा फोटो, भिडियो तथा आफ्नो डिभाइसमा भएका फाइल हाल्ने सुविधा प्रदान गर्न भण्डारण प्रयोग गर्ने अनुमति चाहिन्छ। अफलाइन काम गर्ने सुविधा प्रदान गर्न पनि भण्डारण प्रयोग गर्ने अनुमति चाहिन्छ।\खाताहरू: प्रयोगकर्तालाई Classroom मा कुन खाता प्रयोग गर्ने भन्ने कुरा छनौट गर्ने सुविधा प्रदान गर्न खातासम्बन्धी अनुमति चाहिन्छ।